काठमाडौं । भवन तथा जग्गा खरिद गर्ने बारे सेञ्चुरी बैंकले सूचना जारी गरेको छ ।
बैंकको कर्पोरेट कार्यालय प्रयोजनका लागि भवन अथवा जग्गा खरिद गर्न आवश्यक रहेकाले बिक्री गर्न इच्छुक घर/जग्गाधनीहरुले विभिन्न सर्त बन्देजहरुको अधिनमा रहनेगरि प्रस्ताव पेश गर्न अनुरोध गरेको छ । उक्त प्रस्ताव १५ दिन भित्र पेश गर्नुपर्ने सूचनामा उल्लेख छ ।
कर्पोरेट कार्यालयका लागि काठमाडौं वा ललितपुर जिल्लाका नक्साल,त्रिपुरेश्वर, टेकु, थापाथली, लाजिम्पाट, नयाँ बानेश्वर, बालुवाटर तथा आपपासका क्षेत्र, चक्रपथ आसपास, पुल्चोक, जावालाखेल, कोटेश्वर, ज्ञानेश्वर आसपास तथा धोविखोला र बागमती नदीको करिडोर क्षेत्रका स्थानहरुमा हुनुपर्ने बैंकले जनाएको छ ।
जग्गाको क्षेत्रफल ४ रोपनी हुनुपर्ने र भवनको हकमा करिब ६० हजार वर्गफिट क्षेत्रफल (पार्किङको व्यवस्था बाहेक) भएको हुनुपर्ने बैंकले जनाएको छ ।
विस्तृतका लागि हेर्नुहोस् सूचना
वि.सं.२०७८ जेठ ११ मंगलवार ०९:३८ मा प्रकाशित