काठमाडौं । अर्थमन्त्रालयले मोबाइलको व्यापारलाई प्रोत्साहन गर्न र राजस्व सङ्कलनलाई थप प्रभावकारी बनाउन सूचना तथा सञ्चार मन्त्रालयमार्फत ‘मोबाइल ट्रयाकिङ’ प्रणाली कार्यान्वयनमा ल्याउने भएको छ ।
अर्थमन्त्री विष्णुप्रसाद पौडेलले अन्तर्राष्ट्रिय मोबाइल उपकरण पहिचान (आइएमइआइ) र उपकरण पहिचान दर्ता प्रणाली (इआइआरएस) लागू गर्न आज निर्देशन दिएका छन् । उनले सूचना तथा सञ्चार मन्त्री शेरधन राई, सूचना तथा सञ्चार सचिव दिनेशकुमार थपलिया, दूर सञ्चार प्रविधिरण र दूरसञ्चार सेवा प्रदायकलाई कम्पनीलाई अर्थमन्त्रालयमा बोलाएर निर्णय कार्यान्वयन गर्न निर्देशन दिएका हुन् ।
प्रणालीको कार्यान्वनसँगै कानुनी आयातले प्रोत्साहन पाउने, राजश्व सङ्कलनमा सुधार आउने अर्थमन्त्रालयले जनाएको छ ।
२० फागुन २०७२, ३.००
वि.सं.२०७२ फागुन २० बिहीवार १५:४० मा प्रकाशित
