काठमाण्डौं । बलिउड अभिनेता इमरान हास्मी घडीका सोखिन छन् । यसअघि पनि उनले महँगा घडी किनेका समाचार आइरहन्थे । उनको घडीको कलेक्सनमा थपिएको छ अर्को महँगो घडी । इमरानले किनेको नयाँ घडीको मूल्य हो– तीन करोड ३६ लाख रुपैयाँ ।
फ्रेन्च ब्रान्डको यो घडी ‘लिमिटेड एडिसन’ हो । सन् १८७५ मा सुरु भएको यो घडी कम्पनीले इमरानले किनेकाजस्ता घडी जम्मा ३० हजारप्रति निकालेको छ । घडीका सोखिन इमरानसँग ‘लक्जरी’ घडीको राम्रो संकलन छ । उनको संकलनमा रालेक्स, ओमेगा, राडो, कार्टियार, येगर ल कोचरजस्ता ब्रान्डका घडी पनि छन् ।
उनले केही समयअघि घडीको सोखबारे भनेका पनि थिए, ‘म कुनै नयाँ ठाउँमा घुम्न जाँदा पनि घडी स्टोरमा जान्छु र मन परेको घडी किनिहाल्छु । एकपटक श्रीमतीले मलाई भनेकी थिइन्– तिमीले यसरी घडी किन्ने हो भने कुनै दिन हामीले घर पनि बेच्नुपर्छ ।’
प्रकाशितः २०७२ फाल्गुन २७
वि.सं.२०७२ फागुन २७ बिहीवार १४:५४ मा प्रकाशित
