काठमाण्डौं । दुई दिन अघिबाट बिक्रीमा आएको इन्भेष्टमेण्ट बैंकको शेयर सेयरधनीले किन्न नपाउने नेपाल धितोपत्र बोर्डले जनाएकोछ । राष्ट्र बैंकले जारी गरेको एकीकृत निर्देशिका र धितोपत्र निष्काशन निर्देशिकाको व्यवस्थालाई ब्याख्या गर्दै बोर्डले यस्तो प्रष्टिकरण दिएको हो।
धितोपत्र बोर्डले निष्काशन निर्देशिका २०६५ र राष्ट्र बैंकको एकीकृत निर्देशिका २०७२ को इ प्रा निर्देशन नं १० को बुँदा नं १३ अनुसार संस्थापक सेयरधनीले एफपिओमा लगानी गर्न नपाउने प्रष्ट्याएको हो।
इन्भेष्टमेन्ट बैंकको संस्थापक सेयर म्युचुअल फण्ड र विभिन्न बीमा कम्पनीले किनेका छन् । अब उनीहरुले एफपिओमा लगानी गर्न पाउने छैनन् । निष्काशन अवधिभित्र बिक्री नभएको सेयरमा भने संस्थापकले लगानी गर्न पाउनेछन् ।
फागुन १३, २०७२, १.००
वि.सं.२०७२ फागुन १३ बिहीवार १३:२४ मा प्रकाशित
