काठमाडौं । ललितपुरको लगनखेलमा रहेको ललितपुर मोबाइल कम्प्लेक्समा अब एप्पलका उत्पादनहरुको शोरुम संचालनमा आउने भएको छ । मोबाइल खरिदकर्ताको मूख्य आकर्षणको केन्द्रमा रहेको कम्प्लेक्समा एप्पलले पहिलो पटक आफ्नो शोरुम संचालनमा ल्याउन लागेको हो ।
ललितपुर मलमा रहेको कम्प्लेक्समा जी म्यू ढुकु नाममा करिब १५ सय स्क्वायर फीटमा फैलिएको एप्पलको शोरुम अंग्रेजी नयाँ वर्ष २०१६ को जनवरीदेखि संचालनमा आउन लागेको हो । करिब ५० लाख रुपैंया लगानी गरी एप्पलको सबै सामाग्री पाईने शोरुम संचालनमा आउन लागेको हो ।
नेपालकै सबैभन्दा ठूलो उक्त शोरुममा एप्पलका सबै प्रकारका उत्पादनहरु बिक्री गरिने कम्पनीका अध्यक्ष अरुण मानन्धरले जानकारी दिए । उनले भने, एप्पलको यो शोरुमबाट बिक्री गर्ने सबै उत्पादनहरुमा १ वर्षको वारेन्टी दिईनेछ ।
यो शोरुम नेपालकै सबैभन्दा ठूलो र अन्तराष्ट्रियस्तरको एप्पल शोरुम हुने कम्पनीले जनाएको छ । यहाँ एप्पलका आधिकारीक र ब्राण्डेड सामाग्री मात्र बिक्री गरिनेछ । शोरुममा आईप्याड, म्याकबुक, आईपड, आईफोन, एप्पलका सबै ग्याजेटस् र एसेसरिज बिक्री गरिनेछ ।
यहाँबाट उपभोक्ताहरुले एप्पलका सामाग्रीहरुका लागि गुणस्तरीय सर्भिस पनि प्राप्त गर्नेछन् । त्यसैगरी यहाँ एप्पलका उत्पादनहरु खरिद गर्नका लागि एक्सचेन्जको पनि व्यवस्थान गरिएको छ ।
एप्पलको अन्तराष्ट्रियस्तरको शोरुम ललितपुर मोबाइल कम्प्लेक्समा संचालन हुनुले कम्प्लेक्सको सेवा बिस्तार गर्न सहयोग पुग्ने उल्लेख गरेको छ । अब कम्प्लेक्समा अन्य ब्राण्डेड मोबाइलका साथै एप्पलको उत्पादनहरु पनि बिक्री हुनु सुखद हो ।
त्यसैगरी दरवारमार्गमा रहेको ब्ल्याक एप्पल लोगो सहित आफ्नो शोरुम संचालन गरिरहेको कम्पनीले पनि कम्प्लेक्समा आफ्नो शाखा बिस्तार गर्न लागेको छ । कम्पनीले आगामी जनवरीदेखि नयाँ शाखाबाट सेवा संचालन गर्न लागेको हो ।
यसैगरी कम्प्लेक्समा नै नेपालकै सबैभन्दा ठूलो मल्टिब्राण्ड शोरुम यसअघि नै संचालनमा आईसकेको छ । कम्प्लेक्समा ४० भन्दा बढि अन्य मोबाइल पसल संचालनमा रहेका छन् ।
वि.सं.२०७२ पुस १ बुधवार ०७:२८ मा प्रकाशित
