काठमाडौं । नयाँ शक्ति नेपालले काठमाडौंलाई सफा गर्ने अभियान थालेको छ । नयाँ शक्तिका संयोजक डा. बाबुराम भट्टराईले पशुपतिनाथ क्षेत्रबाट सरसफाइ अभियानको उद्घाटन गरेका हुन् ।
सफाई अभियानमा सहभागी डा. भट्टराईले पशुपतिनाथ क्षेत्र परिसरको भष्मेश्वर इलाकामा मध्यपान गरेर अत्यधिक फोहोर गरेको पाउनुका साथै ब्रह्मनाल क्षेत्रमा मृतकका लुगाकपडा राम्ररी व्यवस्थित नगरेको पाइएको बताएका छन् ।
उक्त स्थानलाई सफा बनाउन सम्बन्धित निकायलाई ध्यान दिन पनि भट्टराईले आग्रह गरेका छन् ।
‘क्लिन काठमाडौं, ग्रिन काठमाडौं’ नाम राखिएको सफाइ अभियान २४ साता चलाउने र उक्त अवधिमा विश्व सम्पदा सूचीमा सूचीकृत काठमाडौं उपत्यकाका सबै क्षेत्रहरुको सफाइ गर्ने जनाइएको छ ।
वि.सं.२०७२ चैत ६ शनिवार १४:२७ मा प्रकाशित