काठमाडौं । प्रधानमन्त्री केपी शर्मा ओलीले एक-दुई दिनमै नाकाबन्दी हट्ने दाबी गरेका छन् । मंगलबार बालुवाटारमा पत्रकारहरुसँग कुरा गर्दै प्रधानमन्त्री ओलीले नाकाबन्दी अघोषित रुपमै हट्ने बताए । घोषित रुपमा नाकाबन्दी नभएको भन्दै उनले भने-आफैं भएको हो, आफैं खुल्छ ।’
कहिले खुल्छ भन्ने प्रश्नमा उनले १-२ दिनमा नै खुल्ने बताए । यसअघि पनि प्रधानमन्त्री ओलीले पटक पटक नाकाबन्दी खुल्छ भनेका थिए । आफू विश्वास गर्ने मान्छे भएको भन्दै उनले कहिले काँही विश्वासमा धोका भएको बताए ।
प्रधानमन्त्री ओलीले नाका नखुले भारत भ्रमणमा नजाने संकेत गरे । उनले भने-अवस्था समान्य नभए भ्रमणमा जानु बान्छनिय हुँदैन ।’ प्रधानमन्त्री ओली फेब्रुअरी दोस्रो साता भारत भ्रमणमा जाने तयारीमा छन् । तर, मिति टुङ्गो लागेको छैन ।
प्रकाशित मिति २०७२/१०/१२ मंगलबार २:४८:४८
वि.सं.२०७२ माघ १२ मंगलवार १४:५८ मा प्रकाशित
