वासिङटन डिसी । राष्ट्रपति बाराक ओबामाले बुधबार नेपाली उत्पादनलाई अमेरिकामा निर्यात गर्दा लाग्ने भन्सार छुटसम्बन्धी विधेयकमा हस्ताक्षर गरेका छन्।
अब नेपालबाट अमेरिका निर्यात हुने ६६ प्रकारका सामाग्रीमा भन्सार छुट हुने छ। नेपालले च्यादर गलबन्दी, कार्पेट, गार्मेन्टका उत्पादनदेखि यात्रा गर्दाको बखत प्रयोग हुने सामाग्री अमेरिका पठाउँदा भन्सार छुट पाउने छ। यो छुट नेपालले दश वर्षसम्मका लागि पाउने छ ।
नेपालस्थित अमेरिकी दूतावासले गत वैशाखमा गएको महाभूकम्पले शिथिल बनाएको नेपाली अर्थतन्त्रलाई पुनरोत्थान गर्ने गरी उक्त विधयेक ल्याइएके बताएके छ।
‘यो विधेयकले नेपाली उत्पादनलाई अमेरिकी बजारमा राम्रो अवसर प्रद्धान गरेको छ,’ नेपालका लागि अमेरिकी राजदूत एलाइना बि टेप्लिजले भनिन्, ‘नेपालले डब्लुटिओका सहयोगका कार्यक्रमहरूलाई कसरी अवलम्बन गर्ने नीति बनाउँछ हामी त्यसरी नै सहयोग गर्न तयार छौं।’
फागुन १३, २०७२, २.००
वि.सं.२०७२ फागुन १३ बिहीवार १३:५२ मा प्रकाशित
