काठमाण्डौं । नेपाल एसवीआई बैंकले यही माघ २४ गते हुने आफ्नो साधारणसभाको मौका पारेर २७ प्रतिशत बोनस सेयर र २ अर्ब ६० करोड रुपैयाँको हकप्रद सेयर जारी गर्न स्वीकृति दिने भएको छ ।
बैंकले गत आवको नाफाबाट आफ्ना सेयर सदस्यलाई २७ प्रतिशत बोनस सेयर दिन लागेको हो । यस्तै, नेपाल राष्ट्र बैंकले ल्याएको पूँजी बृद्धि योजना अनुरुप हकप्रद सेयर जारी गर्न लागिएको हो । यस आवमा प्रमियम मुल्यमा रही २ अर्ब ६० करोड रुपैयाँ बरावरको हकप्रद जारी गर्न लागिएको बैंकद्वारा जारी विज्ञप्तीमा उल्लेख छ ।
यस्तै बैंककले गत आर्थिक वर्षमा ५३ हजार २ सय वटा नयाँ बचत खाता थपेको छ । बैंकले निक्षेप खाता संख्या १० प्रतिशतले बृद्धि गरी हालसम्म ५ लाख ६८ हजार ८ सय पुर्याएकोे छ ।
माघ २१,२०७२/ ४.००
वि.सं.२०७२ माघ २१ बिहीवार १६:२६ मा प्रकाशित
