काठमाडौँ । दक्षिण एसियाली खेलकुदको पुरुष फुटबलमा नेपालले सेमिफाइनलमा पुगेको छ । प्रतियोगिताको समूह ‘बी’ मा मंगलबार भुटान र बंगलादेशले १–१ को बराबरी खेलेपछि नेपाललाई फाइदा पुगेको हो ।
समूहको पहिलो खेलमा नेपालले भुटानलाई ५–० ले हराएको थियो । समूहमा नेपाल तीन अंकसँगै शीर्ष स्थानमा छ भने भुटान र बंगलादेशको एक/एक अंक छ ।
नेपालले बिहीबार बंगलादेशको सामना गर्नेछ र त्यसको नतिजाले समूह विजेता तथा सेमिफाइनल पुग्ने दोस्रो टिमको निर्णय गर्नेछ ।
२६ माघ २०७२ / ६:४०
वि.सं.२०७२ माघ २६ मंगलवार १९:३७ मा प्रकाशित