चितवन । यहाँ एवं यस वरपरका शहरका उपभोक्तालाई लक्षित गर्दै युरो अटोमोटिभले चितवन, एयरपोर्ट रोडस्थित आफ्नो शोरुमबाट फियाट र स्कोडा कार विक्री सुरु गरेको छ । सो अटो सपको नेपाली क्रिकेट टिमका कप्तान पारष खड्काले उद्घाटन गरेका हुन् ।
युरो अटोमोटिभले स्कोडा वा फियटका युरोपियन गाडीहरु किन्न १० प्रतिशत डाउन पेमेन्ट र तत्काल फाईनान्सको सुविधा उपलब्ध गराएको छ । उपभोक्ताहरुको माग र चाहना अनुरुप शोरुमले चेकअप क्याम्प र एक्सचेन्ज क्याम्प संचालन गर्न पाँच दिने कार्यक्रम पनि ल्याएकोछ ।
उपभोक्ताहरुले आफुले प्रयोग गरिरहेको पुरानो गाडी नेपालको उत्कृष्ट रिकण्डिसन हाउसहरुबाट मुल्याङ्कन गराई थोरै मात्र रकम थपेर नयाँ फियाट वा स्कोडा गाडी प्राप्त गर्न सक्छन् । उपभोक्ताले एक्सचेन्ज बोनस समेत पाउने छन् ।
फाल्गुन १३, २०७२, ८.००
वि.सं.२०७२ फागुन १३ बिहीवार ११:०३ मा प्रकाशित
