काठमाण्डौं । नेपाली कांग्रेसको १३औं महाधिवेशनमा सभापति पदका लागि भएको दोस्रो निर्वाचनबाट ५८ प्रतिशत मत ल्याउँदै शेरबहादुर देउवा १२ वर्षपछिको अथक प्रयासमा पार्टीका सभापति बन्न पुगेका छन् ।
पहिलो निर्वाचनमा ११ मत कम भएपछि उनका प्रत्यर्थी रामचन्द्र पौडेलसँग उनको दोस्रो प्रतिस्पर्धा भएको थियो । यो। कूल खसेको ३ हजार १ सय ४० मत मध्ये देउवाको पक्षमा १ हजार ८ सय २२ परेको थियो । जुन ५८ प्रतिशत मत हो । पौडेलले ५ सय २६ कम मत पाउँदै १ हजार २ सय ९६ मत ल्याएका थिए ।
पार्टीको विधान अनुसार ५१ प्रतिशत मत ल्याउनु पर्ने भन्ने प्रावधान अनुसार दोस्रो निर्वाचन भएको थियो । यस अघि देउवाले ११औं महाधिवेनमा गिरिजाप्रसाद कोइरालासँग र १२औं महाधिवेशनमा सुशील कोइरालासँग हारेका थिए ।
२५ फागुन २०७२, ८.००
वि.सं.२०७२ फागुन २५ मंगलवार १०:२७ मा प्रकाशित
