नेपालगञ्ज । उपप्रधान र संघीय मामला तथा स्थानीय विकासमन्त्री कमल थापाले सीमा नाकाको धर्ना र नाकाबन्दीले महाभूकम्पभन्दा झण्डै ७ अर्ब डलरको आर्थिक नोक्सानी भएको अनुमान गरेको भन्दै आन्दोलनबारे पुनस्विचार गर्न मधेसकेन्द्रीत दलहरुसँग आग्रह गरेका छन् ।
यहाँ मध्यपञ्चिमाञ्चल क्षेत्रको आयोजनामा २०७२र७३ को अर्ध वार्षिक प्रगति समीक्षा गोष्ठीको उद्घाटन गर्दै उनले सो कुरा बताएका हुन् । ‘गत बैशाख १२ को महाभूकम्प र पराकम्पनले झण्डै ७ अर्ब डलरको आर्थिक नोक्सानी भएको अनुमान गरेका छौ, ५ महिनादेखिको सीमा धर्ना र नाकाबन्दीले त्योभन्दा धेरै आर्थिक क्षति नोक्सानी पुर्याएको छ । आन्दोलनरत दलहरुले पुनस्विचार गर्नुपर्ने बेला आएको छु उपप्रधानमन्त्री थापाले भनेका छन् ।
माघ २०, २०७२/१२.००
वि.सं.२०७२ माघ २० बुधवार १३:२५ मा प्रकाशित
