back
NMB ad

यातायात कार्यालयबाट २७ बिचौलिया पक्राउ

Kumari bank ad

काठमाडाैं । प्रहरीले नयाँ सवारी अनुमतिपत्र (लाइसेन्स) तथा नवीकरणमा बिचौलिया गर्ने २७ जनालाई पक्राउ गरेको छ । पक्राउ पर्नेमा २४ पुरुष र ३ महिला छन् ।

यातायात कार्यालय एकान्तकुना र ललितपुरस्थित ताल्छीखेल कार्यालका कर्मचारीसँग मिलोमतो गरी बिचौलियाको काम गर्दै आएका गिरोहलाई पक्राउ गरिएको ललितपुर प्रहरी परिसरका एसएसपी पीताम्बर अधिकारीले जानकारी दिए । चारपांग्रे निजी तथा सार्वजनिक सवारीको दर्ता, रुट परमिट, नवीकरण र प्रदूषण मापनको काममा बिचौलिया सबैभन्दा बढी सक्रिय रहेको उनले बताए ।

सेवाग्राहीबाट बढी रकम असुल गरेको उजुरी परेपछि उनीहरूलाई पक्राउ गरिएको अधिकारीले बताए । ‘कर्मचारीसँगको मिलेमतोमा कागजात बाहिर ल्याएर काम गरको उजुरी आयो,’ उनले भने, ‘त्यसैका आधारमा पक्राउ गरेका हौं, बिचौलियाले प्रतिगाडी ७ सयदेखि १ हजार रुपैयाँसम्म लिन्छन् ।’ कर्मचारीले सानो कामका लागि पनि साताभन्दा बढी समय लगाउनेसमेत पाइएको उनले बताए । ‘दलालमार्फत काम गर्दा १ घण्टामा हुने गरेको छ,’ उनले भने, ‘सेवाग्राही सिधै कर्मचारीसँग जाँदा ढिलासुस्ती गरेको निकै गुनासो छ ।’

नयाँ लाइसेन्स लिन र नवीकरण गर्न जाने सेवाग्राहीलाई यातायात कार्यालयको प्रवेशद्वारबाटै मोलमोलाई गर्ने बिचौलियालाई पक्राउ गरिएको अधिकारीको भनाइ छ ।

‘हैरान बनाएको आरोप आयो,’ उनले भने, ‘सरकारी ढड्डासमेत बाहिर ल्याउँदा रहेछन् ।’ कागजातको अव्यवस्थित भण्डारण, ढिलासुस्ती र दलालको चलखेलका कारण सेवाग्राही अनावश्यक रकम बुझाउन बाध्य भएको प्रहरी निरीक्षक सुमित कटुवालले बताए । सेवाग्राहीले दलालमार्फत काम गरे एकै दिनमा आफैंले काम गरे एक साताभन्दा बढी लाग्ने गरेको उनले बताए ।

दुई वर्षअघि विशेष अदालतले यातायात कार्यालयमा बिचौलिया सक्रिय भएको भन्दै तत्काल निरुत्साहित गर्न सरकारका नाममा आदेश दिएको थियो । आदेश छल्दै बिचौलियाहरू कर्मचारीकै ‘ड्रेस’ लगाएर कार्यालय छिर्न थालेका थिए । ‘बिचौलियाले विभिन्न माध्यमबाट सेवाग्राहीलाई दु:ख दिने गर्छन्,’ एसएसपी अधिकारीले भने, ‘बिचौलियाको जालो निकै सक्रिय छ, निरुत्साहित गरी छाड्छौं ।’

सार्वजनिक अपराधअन्तर्गत मुद्दा चलाउने तयारी गरेको उनले बताए । ललितपुर परिसरले दुई वर्षअघि यातायात कार्यालयमा निगरानी गरी ९ दलाललाई पक्राउ गरेर ६ जनालाई सार्वजनिक अपराधको अभियोगमा मुद्दा चलाएको थियो ।

(साभार : कान्तिपुर दैनिक)

वि.सं.२०७२ फागुन ११ मंगलवार ०९:०१ मा प्रकाशित

You can share this post!

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

आईपीओ निष्काशन गर्दै सिद्धि हाइड्रो, बिक्री प्रबन्धकमा सिटिजन्स क्यापिटल

वि.सं.२०८० चैत १५ बिहीवार १६:२५

काठमाडौं । सिद्धि हाइड्रो कम्पनी लिमिटेडले आईपीओ निष्काशन गर्ने भएको...

राष्ट्रियसभाका उपाध्यक्ष अर्यालको राजीनामा   

राष्ट्रियसभाका उपाध्यक्ष अर्यालको राजीनामा   

वि.सं.२०८० चैत १५ बिहीवार १६:१७

काठमाडौँ, १५ चैत : राष्ट्रियसभाका उपाध्यक्ष उर्मिला अर्यालले पदबाट राजीनामा...

हिमालमा हेलिकप्टरले बचाउँदै पर्यटकको ज्यान   

हिमालमा हेलिकप्टरले बचाउँदै पर्यटकको ज्यान   

वि.सं.२०८० चैत १५ बिहीवार १६:००

सुवास दर्नाल सल्लेरी (सोलुखुम्बु), १५ चैत : गत आइतबार सगरमाथा...

नेप्सेमा एक कम्पनीको मूल्य समायोजन

नेप्सेमा एक कम्पनीको मूल्य समायोजन

वि.सं.२०८० चैत १५ बिहीवार १५:५४

काठमाडौं । नेपाल स्टक एक्सचेञ्ज (नेप्से)ले बिहीबार एक कम्पनीको मूल्य...

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

जिहो–नयाँ वर्ष २०८१, ‘वि स्मार्ट राइड स्मार्ट अफर’ सार्वजनिक

वि.सं.२०८० चैत १५ बिहीवार १५:४८

काठमाडौं । CFMOTO र  ZEEHO   ब्राण्डको नेपालका लागि आधिकारीक वितरक...

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

दुई कम्पनीको सेयरमा नकरात्मक सर्किट, प्रतिकित्ता कुनको कति घट्यो ?

वि.सं.२०८० चैत १५ बिहीवार १५:२४

काठमाडौं । साताको अन्तिम कारोबार दिन सेयर बजारमा सुधार आएको...