काठमाण्डौं । नेशनल बैंकिङ् इन्ष्टिच्युट (एनबिआइ) ले आयोजना गरेको मर्जर सम्मेलनलाई संवोधन गर्दै गभर्नर डा. चिरञ्जिबी नेपालले पुँजी अभावका कारण संस्थाहरु समस्याग्रस्त भएको बताएका छन् । गभर्नर नेपालले समस्याग्रस्ता विकास बैंक र फाइनान्स कम्पनीहरुलाई ‘लास’ भन्दै राष्ट्र बैंकले त्यस्ता १३ वटा लासहरु कुरेर बस्नु परेको बताए ।
उनले सकभर आफैले पैसा हालेर पुँजी बढाउन भन्दै अन्तिम विकल्पका रुपमा मात्र मर्जरलाई लिन आग्रहसमेत गरे ।
कार्यक्रममा एनबिआइका अध्यक्ष सोभनदेव पन्तले पुँजी बढी भएर वा विजिनेस धेरै भएर मात्र बैंक राम्रो नहुने भन्दै पुँजी कोष अनुपात सहज भएको अवस्थामा मात्र बैंक राम्रो हुने बताए ।
सम्मेलनमा नेपाल राष्ट्र बैंकका कार्यकारी निर्देशक लक्ष्मी प्रपन्न निरौला, बरिष्ठ चार्टड एकाउन्टेन्ट सुदर्शन राज पाण्डे, एनएमबी बैंकका नायव प्रमुख कार्यकारी अधिकृत सुनिल केसी, सिभिल बैंकका नायव प्रमुख कार्यकारी अधिकृत गोबिन्द गुरुङ तथा काष्ठमण्डप बिकास बैंकका प्रमुख कार्यकारी अधिकृत उमेशसिंह भण्डारीले कार्यपत्र प्रस्तुत गरेका थिए ।
२० फागुन २०७२, ४.३०
वि.सं.२०७२ फागुन २० बिहीवार १६:३९ मा प्रकाशित
