काठमाण्डौं । संसदको आजको बैठकमा विशेष समय लिएर बोल्दै प्रधानमन्त्री केपी शर्मा ओलीले आफू भारतसँग सम्बन्ध सुधार गर्नका लागि भारत भ्रमण गर्न लागेको बताउँदै भारतसंगको सम्बन्ध पारस्परिक लाभ र मान्यताको आधारमा हुनेमा जोड दिएका छन् ।
यही फागून ७ गतेदेखि तीन दिने भारत भ्रमणमा जान लागेका प्रधानमन्त्री ओलीले आफ्नो भ्रमणको क्रममा राष्ट्र हित विपरीत कुनै सम्झौता नहुने पनि बताए । आफ्नो भ्रमण मित्रता खल्बल्याउनको लागि नभएर सुदृढ बनाउनको लागि हुने साथै दोषारोपण गर्नको लागि नभई समझदारीको लागि हुने पनि उनले सो क्रममा बताए ।
आज बसेको संसदको दोस्रो बैठकमा बिशेष समय लिएर प्रधानमन्त्री ओलीले करिब २५ मिनेट आफ्नो भारत भ्रमणको बिषयमा बोलेका थिए ।
४ फागुन २०७२ /३.३०
वि.सं.२०७२ फागुन ४ मंगलवार १६:१६ मा प्रकाशित
