काठमाडौं । डेढ महिनाअघि १५ प्रतिशतका दरले हकप्रद सेयर निस्कासन गरेको सनराइज बैंकले थप ३० प्रतिशत हकप्रद सेयर वितरण गर्ने भएको छ ।
बैंकले गत बर्षको नाफाबाट २१.५ प्रतिशत वोनस सेयर दिएको थियो । अहिले बैंकको चुक्ता पुँजी ३ अर्ब २२ करोड रपैयाँ छ । अब बैंकले यसमा ३० प्रतिशत हकप्रद सेयर दिन लागेको हो । यसका लागि बैंकले विशेष साधारणसभा डाकेको छ ।
अन्य बैंक तथा वित्तीय संस्थालाई गाभ्ने तथा प्राप्ती गर्ने अख्तियारी साधारणसभाबाट लिइसकेको सञ्चालक समितिले पुँजी बृद्धिका लागि थप ३० प्रतिशत हकप्रद सेयर निस्कासन गर्न लागेको हो ।
बैंकले नेपाल राष्ट्र बैंकलाई बुझाएको पुँजी बृद्धि योजनामा भने ३० प्रतिशत हकप्रद सेयरको कुरा गरेको छैन । उसले मर्जर र वोनस सेयरबाट पुँजी बृद्धि गर्ने जनाएको छ ।
९ फागुन २०७२, २.००
वि.सं.२०७२ फागुन ९ आइतवार १४:१३ मा प्रकाशित
