काठमाडौं । आज सेयर बजार करिब ५ अंकले बढेकोछ भने सबैभन्दा वढी रकमको कारोबार भएको १० कम्पनीमध्ये नौ वटा बाणिज्य बैंकहरु रहेका छन् जसले लगानीकर्ताहरु बैंकतर्फ आकर्षित भएको पुष्टि भएको छ ।
दिनभरीमा ६३ करोडको सेयर कारोबार भएकोमा ३६ करोड ४७ लाख रुपैयाँको सेयर बाणिज्य बैंकहरुको नै कारोबार भएको छ ।आज बैंकिङ सुचक ८ अंकले उक्लिएको छ ।
सबैभन्दा बढी सानिमा बैंकको पाँच करोड ८० लाख, नेपाल इन्भेष्टमेन्ट साधारण पाँच करोड नौं लाख, सनराइज चार करोड ३२ लाख, नेपाल बंगलादेश तीन करोड २२ लाख र एनआइसी एसियाको दुई करोड ८४ लाख रुपैयाँको सेयर किनबेच भएको छ ।
आइतबार बजार ५।६४ अंकको बृद्धिसहित नेप्से १२७८।९२ अंकमा पुगेको छ । बिमा वाहेक बाँकी समूह हरियो भएका छन् । अन्य सुचक भने स्थिर छ ।
९ फागुन २०७२, ३.००
वि.सं.२०७२ फागुन ९ आइतवार १५:४२ मा प्रकाशित
