काठमाण्डौ । मागभन्दा ७३ गुणा बढी आवेदन परेको खानी खोला हाइड्रोपावर कम्पनीले इनिसियल पब्लिक अफरिङ (आइपीओ) बाँडफाँडको काम आगामी साउन ११ गते हुने भएको छ ।
काठमाण्डौको कमलादिमा रहेको सिभिल क्यापिटल मार्केट्स परिसरमा यो कम्पनीको आइपीओ सम्बन्धी सम्पूर्ण निर्णय तथा बाँडफाँडको बिषय समेत साउन ११ गते नै टुङ्ग्याइनेछ ।
खानी खोला हाइड्रोपावर कम्पनीले ९ लाख ३१ हजार ४ सय २९ कित्ता सेयर आइपीओ गर्ने योजनाअनुसार आवेदन मागेको थियो । १ सय रुपैयाँ अंकित मूल्यको कुल ९ करोड ३१ लाखको सेयरमा आवेदन भने मागभन्दा ७३ गुणा बढी परेको आइपीओको बिक्री प्रबन्धक सिभिल क्यापिटल मार्केट्स लिमीटेडले गर्ने जनाएको छ ।
प्रकाशितः २०७३ साउन ८
वि.सं.२०७३ साउन ८ शनिवार १५:०८ मा प्रकाशित
