काठमाण्डौ । हिमालयन पावर पार्टनर लिमीटेडले ३१ करोड ९६ लाख रुपैयाँको ३१ लाख ९६ हजार २ सय ५१ कित्ता साधारण सेयर निश्कासन गर्ने भएको छ ।
कुल निश्कासन हुन लागेको सेयरमध्ये १० लाख ६५ हजार ४ सय १७ कित्ता आयोजना प्रभावित क्षेत्रका बासिन्दाका लागि छुट्याइएको छ । बाँकी रहेको २१ लाख ३० हजार ८ सय ३४ कित्ता सेयर चाहि सर्वसाधारणका लागि जारी हुनेछ ।
यो कम्पनीको आइपीओ निश्कासन तथा व्यवस्थापनका लागि ग्लोबल आइएमई क्यापिटल लिमीटेड बिक्री प्रबन्धकको रुपमा नियुक्त भएको छ । नेपालको एक मात्र क्रेडिट रेटिङ एजेन्सी इक्रा नेपालले यो संस्थाको आइपीओलाई ग्रेड ४ प्लसको रेटिङ प्रदान गरेको छ ।
प्रकाशितः २०७३ साउन १५
वि.सं.२०७३ साउन १५ शनिवार ११:१८ मा प्रकाशित