काठमाडौं । सोमबार एक अर्ब दुई लाख ६६ हजार नौ सय ८५ कित्ता सेयर प्रमाणपत्र डिम्याट भएको विवरण सीडीएस एन्ड क्लियरिङ लिमिटेडले सार्वजनिक गरेको छ ।
कागजी प्रमाणपत्र अभौतिकीकरण (डिम्याट) भएपछि कारोबार निकै सजिलो हुँदै गएको छ । चार अर्ब हाराहारीमा कागजी प्रमाणपत्र डिम्याट हुनुपर्ने अनुमान छ । गएको माघदेखि डिम्याट सेयर कारोबार अनिवार्य गरिएको हो ।
डिम्याट नगरेसम्म सेयर बिक्री गर्न पाइदैंन । सीडीएस एन्ड क्लियरिङ लिमिटेडका अनुसार अहिलेसम्म चार लाख २४ हजार सात सय ४८ जनाले डिम्याट खाता खोलिसकेका छन् ।
हामीकहाँ सेयरको वास्तविक लगानीकर्ता कति छन् भन्ने वास्तविक तथ्यांक छैन । करिब १५ लाख जना रहेको अनुमान छ । डिम्याट खाता खोल्ने संख्याका आधारमा आगामी दिनमा लगानीकर्ता संख्या अनुमान लगाउन सजिलो हुनेछ ।
प्रकाशितः २०७३ साउन १७
वि.सं.२०७३ साउन १७ सोमवार १५:२९ मा प्रकाशित