काठमाण्डौं । नेपाल इन्भेष्टमेन्ट बैंकले गत आर्थिक बर्ष दुई अर्ब ५५ करोड रुपैयाँ खुद नाफा आर्जन गरेको छ । बैंकले अघिल्लो बर्ष एक अर्ब ९६ करोड रुपैयाँ नाफा गरेको थियो ।
बैंकले अघिल्लो आर्थिक बर्षको तुलनामा ३० प्रतिशले खुद नाफा बढाएको हो । गत बर्ष उल्लेखनीय रुपमा बोनस सेयर र १० प्रतिशत एफपीओ जारी गरेर चुक्ता पूँजी बढाएको ईन्भेष्टमेन्ट बैंकले प्रतिकुल अबस्थामा पनि ब्यापार बिस्तार गरी आम्दानी बढाएर खुद नाफामा ३० प्रतिशत बढोत्तरी गर्न सफल भएको हो ।
खुद नाफामा भएको बृद्धि र एफपीओबाट आर्जन गरेको प्रिमियम रकम समेत जोड्दा उसको जगेडा कोषमा २०५ प्रतिशतले बृद्धि भई १० अर्ब ५५ करोड नाघेको छ ।
२३ साउन २०७३, ९।००
वि.सं.२०७३ साउन २३ आइतवार ११:३६ मा प्रकाशित
