काठमाडौं । माउण्ट मकालु डेभलपमेन्ट बैंक लिमिटेडले आफ्ना सेयरधनीलाई एक बराबर १ दशमलव ५ अर्थात १५० प्रतिशत सेयर वितरण गर्ने भएको छ । बैंकले १०० रुपैयाँ अंकित दरका ३ लाख ९० हजार कित्ता हकप्रद सेयर निष्काशन गर्न लागेको हो ।
बैंकले आउँदो भदौ १६ गतेबाट हकप्रद सेयर निष्काशन गर्ने भएको छ । उक्त हकप्रदको अन्तिम म्याद असोज १९ गतेसम्ममात्र रहेको छ । बैंकको सेयर निष्काशन तथा बिक्री प्रबन्धकमा एनआईबिल क्यापिटल मार्केट्स रहेको छ ।
बैंकले चुक्ता पूँजी वृद्धिको लागि हकप्रद बितरण गर्न लागेको हो ।२ करोड ६० लाख रुपैयाँ चुक्ता पूँजी रहेको बैंकको हकप्रद निष्काशन पछि पूँजी ६ करोड ५० लाख रुपैयाँ पुग्नेछ ।
प्रकाशितः २०७३ साउन ३०
वि.सं.२०७३ साउन ३० आइतवार १०:५७ मा प्रकाशित
