काठमाण्डौं । राष्ट्रिय वाणिज्य बैंकले आफ्ना दुई लाख भन्दा बढी ग्राहकले प्रयोग गरिरहेको मोवाइल बैंकिङ्ग सेवालाई संसारभरबाट प्रयोग गर्न सकिने बनाएको छ।
यो स्मार्ट सेवा मोवाइलको एस।एम।एस। र इन्टरनेट दुवैबाट चलाउन सकिने छ। यसको प्रयोगबाट ग्राहकले घरमै बसेर आफ्नो खाताको कारोबार गर्न सक्ने छन्। प्रयोगकर्ताले दुई प्रतिशत छुटमा मोवाइल टकअप रिचार्ज, अन्तर बैंक रकम ट्रान्सफर, कर्जाको साँवा ब्याज भुक्तानी, चेकबुकको माग, अन्य मर्चेन्ट भुक्तानी, सिकायत र बैंकको शाखा तथा एटिएम लोकेसनको जानकारी आफ्नै मोवाइलबाट लिन सक्नेछन्।
एक पटक आफ्नो मोवाइल बैंकको सिस्टममा रजिस्ट्रेसन गरेपछि संसारको कुनै पनि कुनाबाट इन्टरनेटको माध्यमबाट संचालन गर्न सकिने बैंकले जनाएको छ। यो सेवा राष्ट्रिय वाणिज्य बैंकको १ सय ६८ वटै शाखा एवं ईलेक्ट्रोनिक बैंकिङ विभागबाट वार्षिक रुपमा १ सय ५० शुल्क तिरेर सुरु गर्न सकिन्छ।
प्रकाशितः २०७३ भदौ ५
वि.सं.२०७३ भदौ ५ आइतवार १५:५९ मा प्रकाशित
