काठमाण्डौं । दशैंका लागि बसको टिकट बुकिङ असोज पहिलो साता खुल्ने भएको छ । दशैका लागि विभिन्न वस कम्पनीहरुले अग्रिम बुकिङ खोल्ने तयारी सुरु गरिसकेका छन् ।
यातायात व्यवस्था विभाग, ट्राफिक प्रहरी र यातायात व्यवसायीको समन्वयमा उपत्यका बाहिर जाने यात्रुहरुका लागि असोज पहिलो साता टिकट बुकिङ खुल्न लागेको हो । सामान्य समयमा दैनिक एक हजार यात्रुवाहक बस र माइक्रो काठमाडौंबाट बाहिरिन्छन् । राजधानीका १२ वटा स्थानमा अग्रिम बुकिङका लागि टिकट काउण्टरको व्यवस्था गरिने छ ।
दसैंमा उपत्यकाबाट ७० प्रतिशत मानिसहरु काठमाडौं बाहिरिने गरेका छन् । त्यस्तै, फुलपातीदेखि अष्टमीसम्म दैनिक तीन हजारका दरले यात्रुवाहक बस काठमाडौंबाट बाहिर जान्छन् ।
१० भदौ २०७३, ४।००
वि.सं.२०७३ भदौ १० शुक्रवार १६:५२ मा प्रकाशित
