काठमाण्डौं । नबिल ईन्भेष्टमेन्ट बैंकिङ लिमिटेडले एक अर्बको सामुहिक लगानी कोषको ईकाई सर्बसाधारणमा बिक्री गर्ने भएको छ । नबिल म्युचुअल फण्ड अन्तर्गत नबिल ईक्विटी फण्डको १० करोड ईकाई असोज २ गतेदेखि बिक्रीमा आउने भएको हो । प्रति ईकाई १० रुपैयाँ मूल्यका ईकाईहरु सर्बसाधारणमा जारी गर्ने प्रयोजनका लागि कम्पनीले आब्हान पत्र प्रकाशित गरेको छ ।
कसरी दिने त आवेदन ?
१० करोड ईकाई मध्ये १५ प्रतिशत ईकाई कोष प्रबद्र्धकलाई छुट्याई बाँकी ८ करोड ५० लाख ईकाई सर्वसाधारणले किन्न पाउने छन् । सर्वसाधारण लगानीकर्ताले एक करोड ईकाई अर्थात १० करोड रुपैयाँसम्म लगानी गर्नसक्ने छन् । बढी आबेदन परेको खण्डमा असोज ६ गते नै यसको बिक्री बन्द हुने जनाईएको छ ।
सर्बसाधारणले नबिल बैंकका शाखाहरु र नबिल ईन्भेष्टमेन्ट बैंकिड। लिमिटेडको कार्यालय नारायणचौरबाट आबेदन पत्र प्राप्त गरी बुझाउनसक्ने जनाईएको छ । आबेदकले ५० हजार रुपैयाँसम्म नगद र त्यो भन्दा बढी चेकबाट बुझाउनु पर्ने, डिम्याट खाता र बैंक खाता अनिबार्य रुपमा उल्लेख गर्नुपर्ने भएको छ । ईकाई नपरेको पैसा फिर्ता बैंक खातामा सिधै पठाईने उल्लेख गरिएको छ ।
नविल इन्भेष्टमेन्ट बैंकिङ नविल बैंकको सहायक कम्पनी हो ।
प्रकाशितः २०७३ भदौ २३
वि.सं.२०७३ भदौ २३ बिहीवार ११:१५ मा प्रकाशित