काठमाडौं । सिन्धु विकास बैंकले लगानीकर्तालाई १० कित्ता बराबर ८ कित्ता अर्थात ८० प्रतिशत हकप्रद शेयर दिने भएको छ ।
बैंकको भदौ २९ मा बसेको सञ्चालक समितिको बैठकले लगानीकर्तालाई उक्त निर्णय गरेको हो । नियामक निकायले निष्काशनको लागि अनुमति दिएपछि लगानीकर्ताले हकप्रद भर्न पाउने भएका छन् । बैंकले पूँजी वृद्धिका लागि उक्त हकप्रद दिन लागेको हो ।
हाल १२ करोड ९ लाख रुपैयाँ चुक्ता पूँजी रहेको सिन्धु विकासको हालै शत प्रतिशत हकप्रद निष्काशन गरेपछि चुक्ता पुँजी २४ करोड १८ लाख रुपैयाँ पुगेको छ । यसपछि भदौ १९ गते १६ दशमलव ८ को दरमा बोनस घोषणा गरेको छ । बोनस र पुरानो हकप्रद सहित पुग्ने चुक्तापूँजीको आधारमा १० बराबर ८ अनुपातमा पुन हकप्रद दिने घोषणा गरेको हो । यसपछि चुक्ता पुँजी ५० करोड ८३ लाख पुग्ने छ । राष्ट्र बैंकको निर्देशनअनुसार बैंकले चुक्ता पुँजी पुर्याउने भएको छ ।
प्रकाशितः २०७३ भदौ ३१
वि.सं.२०७३ भदौ ३१ शुक्रवार १५:०६ मा प्रकाशित