काठमाडौं । साताभरमा नेप्सेमा १ सय ५८ कम्पनीहरुको शेयर कारोबार भएको छ, जस अनुसार २४ हजार ७ सय ९४ कारोबारबाट ४ अर्ब ४५ करोड ३ लाख २८ हजार रुपैंयाँ बराबरको ५२ लाख ९२ हजार १ सय ६० कित्ता शेयर किनबेच भएको छन् । जुन रकम गत साताको भन्दा २१ दशमलव २७ प्रतिशतले कम हो । गत साता १ सय ५२ कम्पनीहरुको कारोबार बाट २३ हजार ८ सय ८५ कारोबारबाट ५ अर्ब ६५ करोड ४६ लाख ५८ हजार रुपैंयाँ बराबरका ६२ लाख ३९ हजार ७ सय ५० कित्ता शेयर किनबेच भएका थिए ।
त्यसैगरी कारोबार रकमका आधारमा यो साता एभरेष्ट बैंक अग्रस्थानमा रह्यो, जसको ५३ करोड १ लाख २० हजार रुपैयाँ बराबरको शेयर कारोबार भएको छ । त्यसैगरी नेपाल बंगलादेश बैंकको ४१ करोड ४ लाख ६० हजार रुपैयाँ, नेशनल लाइफ इन्स्योरेन्सको २२ करोड ८६ लाख ६० लाख रुपैयाँ, सिद्धार्थ बैंकको २० करोड ९८ लाख ३० हजार रुपैंयाँ र सनराइज बैंकको १८ करोड ३१ लाख रुपैंयाँ बराबरको शेयर कारोबार भएका छन् ।
त्यसैगरी साताभर ५ दिनको कारोबार भएकोमा सेयर संख्याको आधारमा नबिल ब्यालेन्स फन्ड १ अग्रस्थानमा रहेको छ, जसको ५ लाख ११ हजार कित्ता शेयर खरिदबिक्री भएको छ । त्यसैगरी कारोबार संख्याको आधारमा १ हजार ९ सय ८७ वटा नेपाल बंगलादेश बैंक लिमिटेड अग्रस्थानमा रहेको छ ।
नेप्सेमा रिलायन्स फाइनान्स लि को बोनस शेयर ७ लाख ४२ हजार ८ सय ५७ कित्ता, प्रभु बैंकको हकप्रद शेयर ६४ लाख १७ हजार ७ सय ७० कित्ता, सिटिजन्स बैंक इन्टरनेशन बैंकको हकप्रद शेयर १ करोड ६८ लाख ५८ हजार ७ सय ८६ कित्ता, स्ट्याण्डर्ड चार्टर्ड बैंकको बोनस शेयर ५६ लाख ४२ हजार ६ सय ४८ कित्ता सुचिकृत भएको छ ।
प्रकाशितः २०७३ असोज १५
वि.सं.२०७३ असोज १५ शनिवार ११:२५ मा प्रकाशित