काठमाण्डौं । अरुण काबेली हाइड्रो पावर लिमिटेडले सर्वसाधारणका लागि ३० करोड रुपैयाँ बराबरको ३० लाख कित्ता साधारण शेयर निष्कासन गर्न धितोपत्र बोर्डबाट अनुमति पाएको छ ।
कम्पनीले यसअघिनै पाँचथर र ताप्लेजुङका आयोजना प्रभावित स्थानीय बासिन्दाका लागि १५ लाख कित्ता साधारण सेयर निष्कासन गरेर बाँडफाँड समेत गरिसकेको छ ।
कम्पनीको शेयर निष्काशन तथा विक्री प्रबन्धकमा सिद्धार्थ क्यापिटल रहेको छ ।
कुल एक अर्ब ५० करोडको अरुण काबेली पावर लिमिटेडको यो आयोजनमा सस्थापक समूहको एक अर्ब पाँच करोड रुपैयाँ लगानी छ । १५ करोड स्थानीय वासिन्दा र बाकी ३० करोड रुपैयाँको सेयर सर्वसाधारणका लागि छुट्याइएको छ ।
अरुण काबेलीले पाँचथर र ताप्लेजुड.को सिमामा २५ मेगावाटको बिद्युत आयोजना निर्माण गरिरहेको छ ।
प्रकाशितः २०७३ असोज १७
वि.सं.२०७३ असोज १७ सोमवार १०:३४ मा प्रकाशित
