काठमाण्डौं । नेपाल राष्ट्र बैंकले अन्तरबैंक भुक्तानी प्रणालीसम्बन्धी विद्युतीय माध्यम प्रयोग गरी एक बैंक तथा वित्तीय संस्थाबाट अर्को बैंक तथा वित्तीय संस्थामा सिधै पैसा ट्रान्सफर गर्न सकिने कार्यविधि तयार पारेको छ । नेपाल क्लियरिङ हाउस प्रालिले सञ्चालन गर्ने विद्युतीय माध्यमको अन्तरबैंक कारोबारका लागि नयाँ नियम आएको हो ।
अन्तरबैंक कारोबार भरपर्दो बनाउन बैंकका प्रमुख वा अधिकार प्राप्त व्यक्तिको सिफारिसमा सम्बन्धित कर्मचारीलाई मात्र युजर आइडी दिने अनि त्यस्ता अधिकार पाएको कर्मचारीले मात्र एडमिन युजर चलाउन पाउने व्यवस्था राष्ट्र बैंकले गरेको छ ।
नेपाल क्लियरिङ हाउसले अन्तरबैंक भुक्तानी प्रणाली प्रभावकारी बनाउन एनसीएचएल–आइपीएस सफ्टवेयर प्रणाली प्रयोगमा ल्याएको छ । यसबाट अन्तरबैंक भुक्तानी प्रणाली कार्यान्वयनमा आउनेछ ।
प्रकाशितः २०७३ असोज १७
वि.सं.२०७३ असोज १७ सोमवार १६:३२ मा प्रकाशित