काठमाण्डौं । शिखर इन्स्योरेन्स कम्पनी लिमिटेडले आफ्ना लगानीकर्ताका लागि आकर्षक बोनस सेयर प्रस्ताव गरेको छ । कम्पनीले ६० प्रतिशत बोनस सेयरका साथै कर प्रयोजनका लागि आवश्यक नगद लाभांश समेत दिन लागेको हो ।
कम्पनीको सोमबार बसेको सञ्चालक समितिको बैठकले ६० प्रतिशत बोनस प्रस्ताव गरी चुक्ता पूँजी ८० करोड माथि पुर्याउने निर्णय गरेको बताइएको छ ।
५० करोड ९८ लाख ९७ हजार ३ सय रुपैंया चुक्ता पूँजी रहेको कम्पनीको ६० प्रतिशत बोनस बितरण पश्चात चुक्ता पूँजी ८१ करोड ५८ लाख ३५ हजार रुपैंया पुग्नेछ । गत आर्थिक वर्षमा कम्पनीले ३१ करोड २ लाख ६८ हजार रुपैंया खुद मुनाफा आर्जन गरेको थियो ।
प्रकाशितः २०७३ असोज १८
वि.सं.२०७३ असोज १८ मंगलवार ११:१२ मा प्रकाशित