काठमाडौं । एनएमबि म्युचुअल फन्डले आज बिहीबारदेखि इकाईधनीहरूको लाभांश बैंक खातामा जम्मा गरिदिने भएको छ ।
असोज १७ गतेसम्म एनएमबि क्यापिटल वा एनएमबि बैंकमा आफ्नो खाता विवरण उपलब्ध गराउने इकाईधनीलाई बिहीबारदेखि बैंक खातामा पैसा जम्मा गर्ने कार्य सुरू भएको एनएमबि क्यापिटल लिमिटेडले जानकारी दिएको छ । एनएमबि म्युचुअल फन्डले सञ्चालन गरेको एनएमबि सुभल इन्भेस्टमेन्ट फन्ड–१ ले यस वर्ष इकाईधनीहरूलाई २० प्रतिशत नगद लाभांश दिने निर्णय गरेको छ ।
खाता बुझाउन बाँकी भएका लगानीकर्तालाई पनि तत्काल एनएमबि क्यापिटलको कार्यालय वा एनएमबि बैंकका शाखाहरूमा खाता नम्बर पेस गर्न आग्रह गरिएको छ ।
प्रकाशितः २०७३ असोज २०
वि.सं.२०७३ असोज २० बिहीवार १२:०५ मा प्रकाशित