काठमाडौ । हिमालयन जनरल इन्सुरेन्सले आज देखि १६६.६७ प्रतिशत हकप्रद बिक्री बन्द गर्दैछ । यो हकप्रदमा लगानीकर्ताले शुक्रबार कार्यालय समयसम्म मात्र आवेदन दिन सक्नेछन् ।
हिमालयनले पनि अविरल वर्षाका कारण देशभरको जनजीवन अस्तव्यस्त भएको भन्दै हकप्रद भर्ने अन्तिम म्याद साउन ३१ गतेबाट भदौ ९ गतेसम्म सारेको थियो । कम्पनीले असार २८ गतेदेखि १ः१.६६६७ को अनुपातमा ६४ लाख २० हजार कित्ता हकप्रद सेयर बिक्री खुला गरेको हो ।
यसमा असार १५ गतेसम्म कायम रहेका सेयरधनीले मात्र आवेदन दिन पाउनेछन् । हिमालयनको बिक्री प्रबन्धकको काम एनएमबी क्यापिटलले गरेको छ ।
लगानीकर्ताले बिक्री प्रबन्धकको कार्यालय नागपोखरी र एनएमबी बैंकको भक्तपुरको सूर्यबिनायक, ललितपुरको कुमारीपाटी, बनेपाको तीनदोबाटो, बुटवलको ट्राफिक चोक शाखाबाट आवेदन फारम भर्न र बुझाउन पाउँनेछन् । यसैगरी, एनएमबी बैंककै धरानको महेन्द्रपथ, विराटनगरको रङ्गेलीरोड, नेपालगंजको सुर्खेतरोड, धनगढीको बसपार्करोड, पोखराको न्यूरोड, वीरगंज आदर्शनगर, चितवनको नारायणगढ, जनकपुरको भानुचोक र झापाको बिर्तामोड शाखाबाट पनि आवेदन फरम भर्न र बुझाउन सक्नेछन् ।
प्रकाशित मितिः २०७४ भदौ ९
वि.सं.२०७४ भदौ ९ शुक्रवार ११:३९ मा प्रकाशित
