काठमाडौ । नेपाल स्टक एक्सचेञ्ज (नेप्से) मा बुधबार सप्तकोशी डेभलपमेन्ट बैक र साल्ट ट्रेडिङ कर्पोरेसन लिमिटेड को सेयरमूल्य समायोजन भएको छ ।
साल्ट ट्रेडिङको २० प्रतिशत हकप्रदलाई समायोजन गर्दा समायोजित सेयरमूल्य २३८ रुपैयाँ कायम भएको छ । साल्ट ट्रेडिङको औषत आधारमूल्य भने २२३ रुपैयाँ कायम हुन आएको नेप्सेले जनाएको छ ।
यस्तै नेपाल स्टक एक्सचेन्जले सप्तकोशी डेभलपमेन्ट बैंकको १३० प्रतिशत हकप्रदमा मूल्य समायोजन गरेको छ । हकप्रद समायोजनपछि बुधबार बैंकको सेयर कारोबार प्रतिकित्ता २०९ रुपैयाँमा खुलेको छ । यसको औसत आधार मूल्य भने १९३ रुपैयाँ छ ।
सप्तकोशीले १ः१.३ अनुपातामा २७ लाख ४३ हजार कित्ता हकप्रद सेयर बिक्री गर्न लागेको छ । यसका लागि बैंकले बुधबार बुक क्लोज गरेको हो ।
प्रकाशित मितिः २०७४ असार १४
वि.सं.२०७४ असार १४ बुधवार १८:४६ मा प्रकाशित