काठमाडौ । सानिमा माई हाइड्रोपावरले १०० प्रतिशत हकप्रद जारी गर्न साउन १० गते बुक क्लोज गर्ने भएको छ । यस आधारमा साउन ९ गतेसम्म कायम सेयरधनीले यस कम्पनीको हकप्रद सेयरमा आवेदन दिन सक्नेछन् ।
कम्पनीले १०० प्रतिशत हकप्रद निष्कासनका लागि धितोपत्र बोर्डबाट अनुमति पाइसकेको छ । अब छिट्टै कम्पनीले १ करोड ५ लाख ५० हजार कित्ता हकप्रद सेयर जारी गर्नेछ । यो हकप्रदमा सनराइज क्यापिटल लिमिटेडले बिक्री प्रबन्धकको काम गर्नेछ ।
त्यस्तै अरुण फाइनान्सले शतप्रतिशत हकप्रद सेयर जारी गर्ने भएको छ । फाइनान्सले शतप्रतिशत अर्थात १ बराबर १ को अनुपातमा हकप्रद सेयर जारी गर्न नेपाल धितोपत्र बोर्डबाट अनुमति पाएको हो ।
अनुमति पाएसँगै फाइनान्सले प्रतिकित्ता सय रुपैयाँको दरको १५ लाख कित्ता हकप्रद शेयर जारी गर्ने भएको छ । कम्पनीको हकप्रद शेयर बिक्री प्रबन्धकमा ग्लोबल आइएमई क्यापिटल लिमिटेड रहेको छ ।
प्रकाशित मितिः २०७४ असार २९
वि.सं.२०७४ असार २९ बिहीवार ११:३७ मा प्रकाशित
