भारतले सुनौली नाकाबाट पठाएको १०० भन्दा बढी मालबाहक ट्रक भित्रिएपनि डिजल र पेट्रोल बोकेका ट्रक ५ वटा मात्र भित्रिएका छन्। जसमध्ये ३ वटा डिजेल र एउटा अक्सिजन र अर्को ग्यास बुलेट ट्रक छन्। भारतले खाद्यान्य बोकेका थप १०० जति ट्रक नेपाल पाठाउन खोजे पनि नेपाली कर्मचारीले यसलाई रोकेका थिए।
‘आज नेपाल र भारतीय कर्मचारीहरुको बैठक बसेको थियो। कुहिन लागेको खाद्य सामग्री चाहीँ पठाउने तर पेट्रोल चैं नपठाउने भएपछि नेपाली पक्षबाट रोकेको हो।
खाद्यान्नका ट्रक नेपाल आउन नदिने अडान लिए पछि भारतिय पक्ष पनि तेलसहितका ट्रक पठाउन राजि भएको गृह मन्त्रालयका प्रवक्ता लक्ष्मी ढकालले भने। ‘तर ५ वटा मात्र इन्धन गाडी भित्रिएको बुझिएको,’ ढकलले भने।
अझै पनि उता बाट तेल बोकेका गाडी आउने छाँटकाँट नभएको उनले भने।
वि.सं.२०७२ असोज १४ बिहीवार १७:३४ मा प्रकाशित
