काठमाडौं । सिडिएस एन्ड क्लिएरिङ लिमिटेडले थप तीनवटा कम्पनीको सेयर अभौतिक कारोबार मात्रै गराउने भएको छ । हाम्रो विकास बैंक, भार्गव विकास बैंक र सेती फाइनान्सको सेयर कारोबार पुस ६ गतेसम्म भौतिक कारोबार गर्ने र त्यसपछि पूर्ण रुपमा अभौतिक हुने सिडिएसले जनाएको छ ।
पुस ६ गतेसम्म ती कम्पनीका सेयर विक्री गर्न चाहने लगानीकर्ताले भौतिक रुपमा नै गर्न सक्ने तर खरीदकर्ताले अभौतिक रुपमा गर्नुपर्ने सिडिएसले उल्लेख गरेको छ । त्यसपछि भने कारोबार पूर्ण अभौतिक हुनेछ ।
सिडिएसले यी तीन कम्पनीका ब्लांक ट्रान्सफरमा रहेका सेयर तथा अनुसूची बिक्री गर्न चाहनेले पुस ५ गतेभित्र बिक्री गर्न पनि आग्रह गरेको छ ।
वि.सं.२०७२ पुस १ बुधवार ०८:०८ मा प्रकाशित
