धादिङ । माछा बजारको रुपमा देशमै ख्याति कमाएको मलेखुमा बिहिबारदेखि माछा महोत्सव सुरु भएको छ । धादिङको मलेखु रिचोकटारमा प्रधानमन्त्री केपी शर्मा ओलीले बिहिबार औपचारिक उद्घाटन गरेपश्चात महोत्सव सुरुवात हुनेछ ।
नेपाल राष्ट्रिय वाणिज्य आयोजनामा हुने महोत्सव लाई राष्ट्रिय व्यापार मेला तथा माछा महोत्सव–२०७२ नाम दिईएको छ । पुस ९ देखि १९ गतेसम्म आयोजना हुने महोत्सवमा कृषि, घरेलु उद्योग, जलस्रोत र पर्यटनको प्रवद्र्धन गराउने लक्ष्य आयोजकको छ । त्यसैले आयोजकले घरेलु उद्योग कृषि, जलस्रोत पर्यटन आर्थिक हाम्रो अभियान को नारा दिएको छ ।
दश दिने मेलामा २ लाख अवलोकनकर्ताको सहभागीता रहने र १० करोडभन्दा बढिको कारोबार हुने अनुमान गरिएको संघका अध्यक्ष लोकनाथ डल्लाकोटीले जानकारी दिए ।
बिहान १० बजेदेखि खुल्ला रहने महोत्सव प्रवेश गर्नेले ५० रुपैया शुल्क लाग्नेछ भने विद्यार्थी र वृद्धवृद्धाका लागि ३० प्रतिशत सहुलियतको व्यवस्था रहेको आयोजकले जनाएको छ ।
वि.सं.२०७२ पुस ९ बिहीवार ०८:०० मा प्रकाशित
