धार्मिक अन्धविश्वासको ज्वलन्त नमूना हो यो । भारतको मध्यप्रदेशस्थित डकाच्या गाउँमा एउटा बाँदरको निधन भएको शोकमा गाउँका पुरै २ सय जना पुरुषले कपाल मुण्डन गरेका हुन् ।
त्यस्तै बाँदर मरेको शोकमा ७ सय जना स्थानियवासीले आफ्नो दाह्रीजुँगा मुण्डन गरेका छन् ।
सम्पूर्ण गाउँलेहरुले धार्मिक आस्थाका आधारमा गाउँको हनुमान मन्दिरमा पुजा गर्दै आएका थिए ।
त्यही मन्दिरमा लामो समयदेखि रहँदै आएको बाँदरलाई भुस्याहा कुकुरले लखेटेपछि पोखरीमा खसेर उक्त बाँदर मरेको थियो ।
बाँदरको मृत्युपछि गाउँलेहरुले बाँदरको शवलाई पोखरीबाट निकालेर हिन्दु धार्मिक विधि अनुसार दाहसंस्कार गरेका छन् । उक्त बाँदरको मृत्युपछि गाउँमा अनिष्ट वा प्रलय हुने डरले उनीहरुले त्यसो गरेका हुन् । गाउँलेहरुले बाँदरको आत्माले शान्ति पाओस् र गाउँमा प्रलय नहोस् भनेर पुजापाठ समेत गरेका छन् ।
बाँदरको ११ औँ पुण्यतिथीका दिन स्कुल बन्द गरेर चार गाउँसम्मका हजारौँ मानिसहरुको सहभागिता थियो । कार्यक्रममा करिव डेढ लाख भारतीय रुपैयाँ खर्च गरिएको थियो ।
वि.सं.२०७२ माघ ११ सोमवार ०६:२९ मा प्रकाशित
