काठमाडौं । ग्लोबल आइएमई बैंकले चालु आर्थिक वर्षको पुस मसान्तसम्मको अवधिमा खुद नाफा ४० प्रतिशतले बढाएको छ भने सिद्धार्थ बैंकले पनि आफ्रनो नाफा ५० प्रतिशतले बढाएकोछ ।
गत आर्थिक वर्षको पहिलो ६ महिनामा ५४ करोड रुपैयाँ खुद नाफा गरेको ग्लोबल आइएमईए बैंकले यो वर्ष ७६ करोड २७ लाख रुपैयाँ खुद नाफा गरेको हो । ६ अर्ब १६ करोड रुपैयाँ चुक्ता पुजी रहेको बैंकले यो अवधिमा ६३ अर्ब ८२ करोड रुपैयाँ निक्षेप संकलन गरी ५४ अर्ब ९८ करोड रुपैयाँ कर्जा लगानी गरेको छ । बैंकले चालु आर्थिक वर्षमा अघिल्लो वर्षको तुलनामा कर्जा लगानी तथा निक्षेप संकलन दुवैमा सुधार गरेको छ।
सिद्धार्थ बैंकले पनि चालु आर्थिक वर्षको पहिलो ६ महिनामा आफ्नो नाफा ५० प्रतिशतले बढाएको छ। बैंकले गत वर्षको पुस मसान्तसम्मा ३२ करोड ६० लाख रुपैयाँ खुद नाफा गरेकोमा यो वर्ष १६ करोडले बढाउँदै ४८ करोड ७४ लाख रुपैयाँ पुर्याएको छ । दुई अर्ब ४३ करोड रुपैयाँ चुक्ता पुँजी रहेको बैंकले ४८ करोड ६३ लाख रुपैयाँ निक्षेप संकलन गरी ४० करोड ३० लाख रुपैयाँ कर्जा प्रवाह गरेको छ।
माघ १४, २०७२
वि.सं.२०७२ माघ १४ बिहीवार १२:३९ मा प्रकाशित
