काठमाण्डौं । एक वर्षभित्र लोडसेडिङ अन्त्य गर्ने महत्वाकांक्षी योजनासहित सरकारले आउँदो हप्तादेखि ऊर्जा संकटकाल घोषणा गर्ने भएको छ । ऊर्जा मन्त्रालयले यसको कार्ययोजना र ऐनको मस्यौदा तयार बनाइसकेको छ भने आजबाट यस विषयमा छलफल गरी घोषणा गरिने तयारी भइरहेकोछ ।
सरकारले दस वर्षमा दस हजार मेगाबाट विद्युत् उत्पादन गर्ने गरी संकटकाल घोषणाको तयारी गरेको हो ।
भारतको अघोषित नाकाबन्दीपछि पेट्रोल, डिजेल, ग्यासको अभाव भएपछि सरकारले ऊर्जा संकटकालको अवधारणा अघि बढाएको हो । सरकारले नाकाबन्दीपछि देशको वर्तमान आर्थिक अवस्था र भावी कार्ययोजना ‘श्वेतपत्र’ जारी गरी आर्थिक संकटकाल लागू गर्ने घोषणा गरेको थियो ।
माघ १७, २०७२/ ८.००
वि.सं.२०७२ माघ १७ आइतवार १०:५१ मा प्रकाशित
