काठमाण्डौं । सर्वसाधारणका लागि फागुन महिनामा नेपाल इन्भेष्टमेन्ट बैंकको सेयर निस्कासन हुने भएको छ। चुक्ता पुँजी बृद्धिका लागि राष्ट्र बैंकले ल्याएको नीतिपछि पहिलो पटक यो बैंकले सर्वसाधारणका लागि सेयर स्वामित्व प्रदान गर्ने भएको हो ।
सर्वसाधारणबाट ३० प्रतिशत सेयर स्वामित्व पुर्याउनुपर्ने प्रावधानअनुरुप बैंकले ९० लाख कित्ता सेयर प्रिमियममा जारी गर्ने भएको छ । ५ सय १ रुपैयाँ प्रिमियम रकम थप्दै प्रतिकित्ता ६ सय १ रुपैयाँका दरले सर्वसाधारणले कम्पनीको सेयर खरिद गर्न सक्ने छन् ।
नेपाल धितोपत्र बोर्डले सेयर निस्कासनका लागि स्वीकृति दिने अन्तिम तयारी गरेको छ। सेयर निस्कासनका लागि बैंकको सम्पूर्ण प्रक्रिया पूरा भइसकेको बोर्डले जनाएको छ ।
२०७२ असारसम्मको लेखापरीक्षणपश्चात बैंकको चुक्ता पुँजी ६ अर्ब ३४ करोड रुपैयाँ पुगेको छ। पछिल्लो पटक बजारमा सो बैंकको सेयर मूल्य प्रतिकित्ता ९ सय रुपैयाँको हाराहारीमा रहेको छ।
माघ २१, २०७२ /८.००
वि.सं.२०७२ माघ २१ बिहीवार ११:०४ मा प्रकाशित
