काठमाण्डौं । चौधरी ग्रूपका संस्थापक उद्योगपति लुनकरणदास चौधरीको हिजो बिहीबार दिउसो ९४ वर्षको उमेरमा निधन भएको छ । उनी लामो सयमदेखि मुटु र सुगर रोगका विरामी उनको नर्भिक अस्पतालमा उपचारका क्रममा निधन भएको हो ।
उनका जेठा छोरा विनोद चौधरी विश्वका डलर अर्बपतिको सूचीमा परेका एकमात्र नेपाली हुन् । लुनकरणदास चौधरीको जन्म १९७९ सालमा काठमाडौंको मखन टोलमा भएको थियो । उनका तीन छोरा र एक छोरी छन् ।
हाल चौधरीका ३ वटै छोरा औद्योगिक क्षेत्रमा छन् । उनले स्थापना गरेको ग्रूप अन्तरगत हाल ४० भन्दा बढी औद्योगिक तथा व्यापारिक संस्थाहरु संचालनमा छन् । नेपालको औद्योगिक विकासमा योगदान गरेका चौधरीले पूर्वाञ्चलको पहिलो उद्योग पशुपति बिस्कुट इन्डस्ट्रिज स्थापना गरेका थिए ।
माघ २२, २०७२ / ७.००
वि.सं.२०७२ माघ २२ शुक्रवार १०:०४ मा प्रकाशित
