काठमाडौं । नुवकोटको मदानपुरमा माइक्रोबस दुर्घटना हुँदा ८ जनाको मृृत्यु भएको छ । नुवाकोटको मदानपुर–८ केउरेनीमा दुर्घटना भएको हो । गम्भीर घाइते ६ जनाको उपचारको लागि काठमाडौँ पठाइएको नुवाकोट जिल्ला प्रहरी कार्यालयले जनायो ।
दुर्घटनाका ८ मृतक मध्ये ५ जनाको सनाखत भएको छ। जिल्ला ट्राफिक प्रहरी कार्यालयका प्रहरी अर्जुन न्यौपानेका अनुसार दुर्घटनामा माइक्रोबसका चालक दामोदर कँडेल, सैनिक जवान यशोदा कार्की, इश्वर कार्की, पदम राई र सन्तोष बोगटीको मृत्यु भएको हो। अन्य तीन जनाको सनाखत हुन बाँकी छ।
दुर्घटनामा १५ जना घाइते छन् । काठमाडौंबाट त्रिशुलीतर्फ जाँदै गरेको बा १ ज ७५ ८३ नम्बरको माइक्रो सडकबाट करिव ३ सय मिटर तल खोल्सामा खसेर दुर्घटना भएको थियो । माइक्रोबसमा विदुरस्थित सैन्य तालिम केन्द्रमा तालिमरत सिपाइहरु थिए ।
दुर्घटना लगत्तै जिल्ला प्रहरी कार्यालय नुवाकोटको टोली, नेपाली सेना र स्थानीय घटनास्थलमा उद्धारमा खटिएका छन्।
२३ माघ २०७२ / ३:०१:१७
वि.सं.२०७२ माघ २३ शनिवार १५:०७ मा प्रकाशित