काठमाडौं । ढल्केबर-मुजफरपुर ४०० केभिए प्रसारण लाइनको निर्माण सकिएपछि फागुन १ गतेबाट ८० मेगावाट बिजुली नेपालले किन्ने भएकोछ ।
यो प्रसारण लाइनबाट सुरुमा ८० मेगावाट र केहीसमय पछि थप ९० मेगावाटको हाराहारीमा बिजुली ल्याउने सरकारी योजना छ।
पहिलो एक हप्ता परीक्षणका रुपमा यो प्रसारण लाइनमार्फत भारतले नेपाललाई बिजुली दिन लागेको हो भने त्यसपछि नियमित रुपमा ८० मेगावाट बिजुली यही प्रसारण लाइनबाट नेपालमा आयात हुनेछ ।
नेपाल र भारतबीच गत वर्ष भएको विद्युत व्यापार सम्झौता (पिटिए) अनुसार नै नेपालले भारतबाट बिजुली खरीद गर्न लागेको हो।
माघ २७, २०७२, १२.००
वि.सं.२०७२ माघ २७ बुधवार १३:४१ मा प्रकाशित
