काठमाण्डौं । स्टाण्डर्ड चार्टर्ड बैंक एवं एभरेष्ट बैंकको नाफा घटेको छ । गत वर्षको पुस मसान्तको तुलनामा यी दुई बैंकको नाफा क्रमशः तीन करोड र दुई करोड रुपैयाँले घटेको हो ।
स्ट्याण्डर्ड चार्टर बैंकले गत वर्ष ६४ करोड ४६ लाख रुपैयाँ खुद नाफा गरेकोमा यो वर्ष ६१ करोड ३० लाख रुपैयाँमा कमाएको छ। बैंकको खुद ब्याज आम्दानी घट्दा त्यसको असर खुद नाफामा देखिएको छ।
एभरेष्टले यो वर्ष ७५ करोड ३७ लाख रुपैयाँ नाफा गरेको छ। जुन गत वर्ष ७७ करोड १२ लाख रुपैयाँ थियो । बैंकले यो अवधिमा ७६ अर्ब रुपैयाँ निक्षेप संकलन गरी ५५ अर्ब रुपैयाँ कर्जा प्रवाह गरेको छ ।
माघ २९, २०७२/ ९.००
वि.सं.२०७२ माघ २९ शुक्रवार ११:३३ मा प्रकाशित
