काठमाण्डौं । काठमाडौं महानगरपालिकाले नगरवासीबाट दैनिक रुपमा निस्कने फोहोरबाट आगामी ३ महिनाभित्र १४ किलोवाट विजुली निकाल्न लागिएको जानकारी दिएकोछ ।
टेकु ट्रान्सफर स्टेसनमा संकलित फोहोरबाट विजुली उत्पादनको तयारी अन्तिम चरणमा पुगेको महानगरका वातावरण व्यवस्थापन विभागले जानकारी दिएकोछ । काठमाडौं महानगरपालिकाले युरोपियन युनियनको सहयोगमा फोहोरबाट विजुली निकाल्न लागेको हो । युरोपियन युनियनको ८० प्रतिशत र महानगरको २० प्रतिशत लगानी रहेको यस कामका लागि जम्मा २ करोड लागेको बताइएकोछ ।
विजुली निकाल्नका लागि दैनिक ३ टन जैविक फोहोर प्रयोग गरिएको बताइएको छ । उपत्यकामा दैनिक ४ सय ५० टन फाहोर उत्पादन हुन्छ । जसमध्ये ६३ प्रतिशत जैविक फोहोर निस्कने गर्दछन् । यो परियोजना सफल भएमा निकट भविष्यमै थप विजुली उत्पादन गरिने महानगरपालिकाले जानकारी दिएको छ ।
३ फागुन, २०७२/ ११.३०
वि.सं.२०७२ फागुन ३ सोमवार १२:२१ मा प्रकाशित
