काठमाण्डौं । कालोबजारी नियन्त्रण, त्यसको न्युनिकरण र अनुसन्धानका लागि सरकारले देशैभरी आजबाट १ सय ७२ जना शाखा अधिकृत परिचालन गरेकोछ । यसरी खटाउनका लागि उनीहरुलाई हिजोसम्म तालिम दिइएको वाणिज्य विभागले जनाएकोछ ।
वाणिज्य विभागबाट खटाइएका ती अधिकृतहरुले कुन क्षेत्रमा कालोबजारी भइरहेको छ सो वारे अध्ययन अनुसन्धान तथा कारवाही गर्ने छन् । यो अनुगमन देशका मुख्य भन्सार नाका, सीमा क्षेत्र र ठूला बजार केन्द्रित हुने विभाग स्रोतले जानकारी दिएकोछ । बढी आर्थिक कारोवार हुने तथा उपभोक्ताको चहलपहल बढी हुने स्थानमा केन्द्रित गरी अनुगमन गरिने भएको छ ।
विभागका साथसाथै जिल्ला प्रशासन कार्यालयले खटाएको टोलीले संयुक्त रुपमा कलोबजारीको अनुगमन गर्ने छन् । उपत्यका बाहिर साना तथा घरेलु उद्योगको सहयोग लिइने पनि विभागले जनायो ।
४ फागुन २०७२, ८.००
वि.सं.२०७२ फागुन ४ मंगलवार १०:२६ मा प्रकाशित
