काठमाण्डौं । नेपाल राष्ट्रिय वाणिज्य बैंकले चालु आर्थिक वर्षको पुस मसान्तसम्ममा एक अर्ब सात करोड रुपैयाँ खुद नाफा गरेको छ। बैंकको यो नाफा गत वर्षको यही अवधिको तुलनामा भने एक तिहाईले कम हो ।
बैंकले गत वर्षको तुलनामा ब्याज आम्दानी तथा अन्य आम्दानीहरु बढाएको छ। गत वर्ष सेयर बिक्रीबाट प्राप्त आम्दानी बैंकले गैह्र सञ्चालन आम्दानी शीर्षकमा राखेको थियो। बैंकले विदेशी विनिमयबाट हुने कुल आम्दानीमा पनि वृद्धि गरेको छ ।
आठ अर्ब रुपैयाँ चुक्ता पुँजी रहेको बैंकको रिजर्व भने ८४ करोड रुपैयाँले ऋणात्मक छ। बैंकले यो अवधिमा एक खर्ब २८ अर्ब रुपैयाँ निक्षेप संकलन गरी ७७ अर्ब रुपैयाँ कर्जा प्रवाह गरेको छ। बैंकको यो अवधिमा खराब कर्जा अनुपात ३.४ प्रतिशत रहेको छ।
४ फागुन २०७२, ८.००
वि.सं.२०७२ फागुन ४ मंगलवार ११:०६ मा प्रकाशित