काठमाडौं । पर्यटन संस्कृति तथा नागरिक उड्डयन मन्त्री आनन्द पोखरेलले गलत निर्णयका कारण तारा गाउँ विकास समितिको झण्डै १५० रोपनी गुमेको जग्गा फिर्ता गराउने बताए ।
शुक्रबार साँझ ह्यात होटेलमै आयोजित टान ल्होसारको अवसरमा मन्त्री पोखरेलले अघिका समितले असमान ढंगले गरेको सम्झौताले गुमेको जग्गा फिर्ता गर्ने पक्षमा आफु रहेकाले सबैको सहयोगको अपेक्षा गरे । यो जमिनको सम्झौता खारेज गरेर यही ठाउँमा राष्ट्रिय पर्यटन संग्राहलय बनाउनु पर्छ । यसका लागि सबैले सहयोग गर्नुस मन्त्री पोखरेलले भने । तारा गाउँ विकास सरकार मातहतको तारा गाउँ विकास समितिको १५० रोपनी जग्गा होटेल ह्यात रिजेन्सिले निजी बनाएको छ ।
१२७ जात जाती र १२३ भाषा भाषीहरुको बसोबास भएको यस मुलुकमा सबैको पहिचान झल्कने राष्ट्रिय संग्राहलय सरकारले बनाउने योजना बनाएको मन्त्री पोखरेलले अवगत गराए । सोका लागि काठमाडौंमा पर्याप्त जग्गा नभएको हुँदा तारा गाउँ विकास समितिको मातहतमा रहेको ह्यात होटेलले चर्चेको जग्गालाई उपयुक्त स्थलको रुपमा हेरेको बताए ।
मन्त्री पोखरेलले भूकम्पले धेरै पुरातात्विक साँस्कृतिक धरोहरहरु भत्किन पुग्दा त्यस वखत आएका आरोहीहरु त्यत्तिकै फर्किनु परेको छ मन्त्री पोखरेलले भने म घोषणा गर्न चाहन्छु, ति आरोहीहरुको फ्रिज भएका रकमहरु नलिई पुरानै शुल्कमा आरोहण गर्न पाउने निर्णय गरिएको छ । ताईहरुका पाहुना फर्काउनुस । नेपाल सरकारले म्याद थप गरिदिएको छ भन्दै आगामी दुई वर्ष समयावधि थप गरेको जानकारी दिए ।
मन्त्री पोखरेलले नेपालका पर्यटनको सबैभन्दा महत्वपुर्ण दुई वटा दर्शन र संस्कृति भएको बताउँदै मन्त्री पोखरेलले मुलुको पर्यटन प्रवद्र्धका लागि हिन्दु र बौद्ध दर्शनलाई विकास र प्रवद्र्धन गर्न सके लाखौं पर्यटक नेपालमा आउने विश्वास व्यक्त गरे ।
यो वर्ष प्रधानमन्त्रीको अध्यक्षतामा बुद्ध जयन्ती समारोह मनाउनका उच्चस्तरीय समिति बनाएको बताउँदै मन्त्री पोखरेलले आगामी मे २१ मा अन्तराष्ट्रिय बुद्ध जयन्ति मनाउन लागेको बताए । मे १९ र २० मा अन्तर्राष्ट्रिय पिस कन्फ्रेन्स मनाउन लुम्विनी नेपाल द वर्थ प्लेस अफ बुद्ध फाउण्टेन, बुद्ध वाज बर्न इन लुम्विनी नाराका साथ नेपालमा अन्तर्राष्ट्रि बुद्ध जयन्ति मनाउन लागिएको बताए ।
पशुपतिलाई सर्किट बनाएर विश्वभरीका हिन्दुहरुलाई आमन्त्रण गर्ने कुरा पनि पशुपति विकास कोष मार्फत काम अगाडी बढाएको मन्त्री पोखरेलले जानकारी दिए ।
कार्यक्रमका विशेष अतिथि संस्कृति, पर्यटन तथा नागरिक उड्डयन मन्त्री आनन्द पोखरेले नेपालको पर्यटन व्यवसाय विनाशकारी भूकम्प र नचाहँदा नचाहँदै पनि व्यहोर्नु परेको अघोषित नाकाबन्दीको मारमा रहेका बताए । पोखरेलले भने जसको कारले हाम्रो पर्यटन व्यवसाय मात्र हैन सिंगो नेपालको अर्थतन्त्र धरासायि भयो । भूकम्पको कारणले आठ खर्व नोक्सान पुगेको थियो भने नाकाबन्दिले १५ खर्व आर्थिक क्षेति व्यहोर्नु परेको मन्त्री पोखरेलले बताए ।
ल्होसार पर्वको मध्यमबाट संसारभरीका राष्ट्रहरुलाई प्राकृतिक विपद र नाकाबन्दीकाबीच पनि नेपाल सुरक्षित छ भन्ने सन्देश दिन सकिएकोमा खुसी व्यक्त गरे । नेपाल सुरक्षित छ, प्राकृतिक प्रकोपहरु आउँछन्, जान्छन्, यी मानविय नियन्त्रण भन्दा बाहिरका कुरा भए । यो आज नेपालमा आएको प्रकोप भोली अरु कुनै ठाउँमा आउन सक्छ । नेपाल भू परिवेष्ठित मुलुक भएकाले भूकम्प तथा पहिराहरु आउने गर्छ । नदी, सागरको किनारमा भएका मुलुकहरुमा आँधी हुरी चल्न सक्छ । प्राकृतिक प्रकोपहरुलाई नेपाली मनले जितिसके । आज पर्यटन व्यवसायहरु विकसित हुँदै गएका छन्, संगठिन हुँदै गएका छन् । नेपालका केही संरचनाहरु भत्किएका पनि धेरै सम्पदाहरु सुरक्षित छ ।
उपराष्ट्रपति नन्दबहादुर पुनको प्रमुख आतिथ्यमा सम्पन्न कार्यक्रममा विभिन्न देशका राजदुत र पर्यटन व्यवसायीहरुको उपस्थिति रहेको थियो । ह्यात रिजेन्सिमा सम्पन्न कार्यक्रममा टानका अध्यक्ष चन्द्रप्रसाद रिजालको अध्यक्षतामा टान ल्होसार कार्यक्रम शुक्रबार साँझ गरिएको थियो । कार्यक्रममा टानका वरिष्ठ उपाध्यक्ष टासी लाक्पा शेर्पा र सदस्य सरिता लामा स्वागत गरेका थिए भने प्रथम उपाध्यक्ष तेजबहादुर गुरुङ र महासचिव कर्ण लामाले कार्यक्रम सञ्चालन गरेका थिए । कार्यक्रममा ख्याती प्राप्त कलाकारको साथमा तामाङ, गुरुङ र शेर्पा समुदायको साँस्कृतिक झाँकी प्रस्तुत गरिएको थियो ।
८ फागुन २०७२
वि.सं.२०७२ फागुन ९ आइतवार ०७:५४ मा प्रकाशित
